Landmannalaugar

Landmannalaugar lætur engan ósnortinn og það má njóta þeirra á ýmsa lund. Hægt er að fara í stutta göngu um Laugahraunið og njóta útsýnisins eða dýfa sér í náttúrulaugina og njóta þess að vera til - munið bara eftir sundfötum og handklæði. Það er um tveggja tíma akstur upp í Laugar, en tekur oft aðeins lengri tíma þar sem ýmislegt er að sjá á leiðinni. Brottför kl.8-9 að morgni eftir óskum hvers og eins. Við ökum upp Gunnarsholtsveg og keyrum framhjá Næfurholti og Hólum. Þar er stutt í Heklu gömlu. Við ökum um Hekluskóga og fræðumst um endurheimt vistkerfa, en Magnús, leiðsögumaðurinn ykkar, er doktor í grasafræði og vistfræði og þekkir sögu svæðisins vel. Hægt er að fara í Laugar upp úr miðjum júní, eða þegar fjallvegir opna, og svo er sjálfhætt þegar þegar vegir verða ófærir aftur. Ferð er að sjálfsögðu endurgreidd ef ekki er hægt að komast um vegna vegalokana eða ófærðar.